|
|
أروع ما قيل من الأشعار
ودعتك الله
تفقدك روحي ..يا مفارق حبايبـك
وفداك عمري ..راحتي وابتهاجـي
كان الجرح اللي بقلبي سبايبــك
أنت الذي يا جرحي حنانك وأناجي
طيفك إلى ما زارني كيف أعاتبـك
يا ساكنٍ وسط الحشـا ..ومتلاجـي
أنت العذاب..وكيفأنا بك.اعذبـك
يامن جرحت القلـب ..جرحك علاجي
الله حسيبك ثمت أناأحمل مصايبك
وأنا الغريق وحامـلٍ هم ناجــي
وداعة الله ..والسّلامة تصاحبــك
حلفت ما اعقد في وداعـك حجاجي
بدر بن عبدالمحسن
------------------------------------------------------------------------------------------------
يا مداوي الجرح بجرح
ياللي جبين الصبـح من فرقـك لاح ليتك تركت الليـل يملأ سمايـه
كان الهنا ما جا حياتي..ولا راح ولا فقدت اليوم نورك هنـايــه
جرحتني يـامداوي الجـرح بجـراح وأنا أحسب إنك صادقٍ في دوايه
وكانك على جرح المحبتين ترتـاح إرتح ..قطعت اليوم تالي رجايه
وابشر ترى روحي نست كل الأفـراح وتهدّمـت تبكـي عذابـي معايـه
جرحتنـي يـامـلك الـروح برمـاح صدك..عسى يرضيك منـي شقـايـه
بدر بن عبدالمحسن
------------------------------------------------------------------------------------------------
رديني لعيونك
وظهرت من عيونك ..لية..
لها الدنيا..لليل والنهار..
كانت السما زرقا داكنه ..ما.. تغيرت ..
والمباني ساكنه ..الا على الما..
وفي قلوب الصغار ..
كان الطريق خالي..
وأحجار الرصيف تكسرت ..وقلت مساحات
الخضار..
ومدري من البرد ..اوقلة الأصحاب
كن الدروب تكورت ..على المساكن ..
لكن ..بقى لون الغبار ..
وصوت الفراغ الداكن ..
في هالدرب..ما تغيرت
ظهرت من جفونك ليلة ..عيونك نثرت..
دمعك..وقلبي..
ليلة يجرحني العتاب..
ما اكذب عليط ..كنت مشتاق ليلتها وربي ..
لبيتي ..ولغرفتي ..ولمكتبي مشتاق..
لأقلامي..والأوراق..
ولقيتها مثل ما كانت
حلم وحروف من سراب..
ومفرش محروق..
ليل مثل صندوق ..وفجر بلا أبواب
ووسادةٍ ياما ليالي ..استكثرت..نومي
عليها..
ما..بي أحد ..ما بيني
ابي عيوك بس ..
تكفيني ..تكفيني ..تكفيني ..
بدر بن عبد المحسن
------------------------------------------------------------------------------------------------
تجرحيني
لاتجرحيــني ..جـرحـك العام ماطاب داوي بحنـانـك مامضـى ..واجـرحـني
ياللـي حنـانك نــظرة بين الأهداب ردي علــي بـعـض العـزا..ناظرينـي
خـافـي عـلى قـلـب يـحبك إلى ذاب ذاب الهوى فـي خفتـه ..والحـنيـني
ولـولاك..مايلفــي على الّدار غياب ولاتبـكي اللــي فـارق الدار عـيني
فـي غيـبتك كل المـلا عنـدي أغراب ماأحــد أبي قـربه..ولا أحـد يبـني
لا يــا غـــلا القرابــة والأصـحاب ضاع العـدل في الناس لـو تظلميـني
------------------------------------------------------------------------------------------------
لا تعلمني
ليه احس اني وانا شوفك حزين قلبـي الليلـه بهمـي ممتلـي
كانها الفرقى طلبتك حاجتيـن لا تعلـمنـي ولا تكــذب علــي
خلني ما بيـن شكـي واليقيـن السكـوت رضـاي عنـك وزعـلـي
باكر اللـي خافـيٍ لازم يبيـن والوعد بلقى مكانك بـه خلـي
وأنتظر لي ليلة او ليلتيــن لين مال يقضى السحاب وينجلي
ولا طويت الياس بذرف دمعيتـن للهـوى الغالـي وبوادع هلـي
صاحبي بموت من كثر الحنيــن خلنـي بأختار لحظـة مقتـلـي
------------------------------------------------------------------------------------------------
حسايف
..التفت ... وتوها ماأختفت
ماكساها الليل باللون الحزين
..التفت .. وتعالت صرختة
..في نظرتة
صاح لكن بالنظر
..وأنكسر .. شوفة عثر
حسايف .. تذبل الضحكة وهي بين الشفايف
تذبل الفرحه وتضيع
ويصير هالكون الوسيع
مايكفي خطوتين
لامن كساة الليل باللون الحزين
وتركت بين الأصابع عطرها
وعمرها .. عمرها ماجت على وقت الوعد
ألا ذاك اليوم
وعمرها مابكت .. وماضحكت
ماحكت لة واسكتت ..مثل ذاك اليوم
كانت أجمل من خيالة .. كانت أنضر
..كانت أكثر من أماني عمرة الظامي حنين
وأختفت .. من كساها الليل باللون الحزين
أختفت في الطريق اللى معه
كانت تجية
كيف درب جمعه معها .. خذاة
ليتها اختارت سواه
تزرع الفرقا لياليها .. عليه
...وحسايف ... حسايف
------------------------------------------------------------------------------------------------
من زعلك
من زعلك في عيونك السود نظره
لا شفتهـا حسيـت بالحــزن واليــاس
ومن زعلك طاحت من الليل قمره
خلت طريقي مـن المواعيـد والنــاس
لوهوانا..بالله شوفيني لومره
وأنا أعتذر للتبر وللــدر والمـاس
أبعتذر لنجومهـا فـي المجـره
وللما القراح اللي شربته من الكاس
حبيبتي أرجوك في القلب كسـره
كافي زعل اشغلتـي الفكــر هوجــاس
والله لو تدرين ها الحب جمرة
بين الضلـوع تشـب مـن حـر الأنفـاس
غديت طفـلٍ ضايـع فيـه عبــره
محـدٍ سـأل وشفيـه ماقـال لا بـاس
وهذا الغرام الله يكفيني شره
بعيــش أحســـاسٍ وبمـــوت أحســاس
بدر بن عبدالمحسن
------------------------------------------------------------------------------------------------
تخيل
تاقف على اطراف الهدب 00 وماشافتك عيني
صافحتني ومدري يدك لمست ايديني 000
سلم 00 ابارد السلام 00
وهذا ترى كل الكلام 00
اللي بقى بينك وبيني ...
تخيـّــل 000
من وين ... ومنين ومتى ...
بالله ذكرني ...
بالله ذكرني ... متى
جيتك افـ ليلة شتا 00
تهزني ريح الشمال 000
محتاج انا لبسمة وشال 000
تركتني لبرد الطريق وانا على بابك 00
اتذكر انك قلت لي بالله وش جابك 00
ودعتني قبل السلام 00 وهذا ترى كل الكلام
اللي حصل بينك وبيني 000
تخيّــــل 000
اليوم لعيوني السما والارض البعيد 000
اليوم ولغيرك انا يطري على بالي القصيد 000
اشتقت للقلب الخلي 00
وش هم 00 لو تعتب علىّ 00
جيتك انا فـ ليلة ألم 00 قلبي على كفي 000
همست لي روح ياغريب الشوق مايكفي 000
سلم ابارد السلام 000
وهذا ترى كل الكلام 000
اللي بقى بينك وبيني 000
تخيّــــل 000
------------------------------------------------------------------------------------------------
ما بقا لي قلب
ما بقالي قلب يشفـع لك خطيّـَه ذوبتـه اجروح صّـدك والخطايــا
صاحبي بالله ... لا تعتب عليَّه مــاعــاد تاسعــه الحنـايــا
كل جرحٍ فـات لـي منـك هـديـّه وش بلاك اتخاف مـن ردّ الهدايـا
الله أكبر ..كيف مالك مقدريَّه وكل ما تحمله مـن همّـي بقايـا
لا تمنّيني ...سـراب المهمهيـّه القرَاح اليوم ..ما يروي ظمايـا
وان غدى للحب في قلبك شظيــّه وش يقول اللي..غدى قلبه شظايا
بدر بن عبدالمحسن
------------------------------------------------------------------------------------------------
مساء الخير يا قمراً
مساء الخير يـا قمـراً على آفـاقنـا يظهـرْ
مساء الخير يـا أحلـى من الد را ق والسكرْ
ويا أغلى من الياقـوت والـمرجـان والأصفـرْ
ويا من فـوق أهـدابـي وبين جوانحـي تسهـرْ
أنام السحر في عينيـك أم في هد بها أبحـرْ
مساء الخيـر يا زهـراً يلو ِّن دربي الأخضـرْ
مساء الند و الأ طيـاب والكافـور والعنبـرْ
مساء الشوق و الأنغـأم والأ شعار والـمزهـرْ
فأنت من السنـا أبهـى وأنت من الشذا أعطرْ
وأنت على مرايا الليل تمثالٌ من المـــرمرْ
يطل الكحل مـن عينيـكِ يغرق طرفـكِ الأحــورْ
ينام الشعـر في خديـكِ يلثم لو نها الأحمـرْ
ويكتب فيك أبيـــاتـاً بقصـــة حبنا تذ كرْ
يخـــــلد ها وينقشها بصفحة صـدره الأسمـرْ
وينشرها علـى الدنيـا ويخفي سرهـا الأكبـرْ
مساء الشعر يـا نغمـاً علـى قيثارتي يسحـرْ
ويا من صوتها الفتـان من همس الشذ ا أشعرْ
حبيبـة عمــري الآتــي تعالي نخلنـا أثمـرْ
حسين النجمي
------------------------------------------------------------------------------------------------
ليل عيونك
أسكبي نبـرة أحزانـي على صــوت جنونـكْ
وارحمي ومضة إيمانـيَ مـن زيــف ظنونـكْ
واغسلي ذاكرة الأيـام مـن دمـع جفونــكْ
فأنا مـازلت فنـاً عبقريـا مـن فنونــكْ
أقبس الفتنة والإبـداع مـن ليـل عيونـكْ
رسم الليل على عينيـك آلاف ا لحاكـايـا
والرؤى تعزف أنغامك في كــل الـزوايـا
والسنا يعكـس ذكـراك بـأحداق المرايـا
ينثر الفرحة نشوى في ابتسامات الصبايا
ويحيل اليأس آمـا لاً ويغتـال البقـايـا
كم تلا قينا على درب المنى حينا فحينـا
ومضينا نزرع الفرح علـى الـدرب سنينـا
ثم أضحى قدر الأيام بـا للقيـا ضنينــا
واحترقنا في دروب الحزن والذكرىحنينـا
نسيـت ذاكـرة الأيـام لكـن مـا نسينــا
حسين النجمي
------------------------------------------------------------------------------------------------
عيناكِ..في وقت الرحيل
عيناك آخر نجمتين توارتـا خلـف السحـابْ
وتدثرا بين الغيوم على بسـاطٍ من ســرابْ
سمتا إلى قمرٍ تظألـق في حيـاءٍ ثـم غـابْ
وكأنه ألـف الحيـاة علـى دروب الإغتـراب
عيناك آخر شمعتيـن أطلتا قبـل الرحيــلْ
فأضائتا ليلي الذي يطوي سراب المستحيـل
رنتا إلى دربٍ من المجهول لايروي الغلـيلْ
لكنها شمخت إباءً مثلمـا شمـخ النخيـــل
عيناكِ قيثاران ينسكبان من لحن المســاءْ
يستأثران بلـون أطيافـي وشـلال الضيــاءْ
ويذوب في أمواجهنًّ غدي الموشح بالعنـاءْ
فتردد الأمواج قافيتي بلـحن الكبـريــاءْ
عيناكِ آخر ومضتين من السنا بعد الغـروبْ
رفَّت على رمشيهما لجج الجمال من الطيـوبْ
فانساب سحرالشعرمن طرفيهما يسبي القلوبْ
فهربت من نظراتهنَّ وكان نحوهمـا الهـروبْ
حسين أحمد النجمي
1 2
لآرائكم وإقتراحاتكم راسلوني على البريد الإلكتروني التالي
رأيك يهمنا